Barcelona 4 days tour 2-5th December 2023
A leisure architect tour of Gaodi’s masterpieces and food tasting
巴塞隆拿 12月4天-享受生活與漫遊高弟建築之旅
乘廉航Ryan 由Manchester 飛Barcelona £49 +£10預選座位（如果吾趕時間，不需要俾£10選位）飛一次巴塞玩足三日，晚機去晚機返。條街好多不同食店，日日大餐，周圍都好有建築藝術，加泰隆尼亞廣場附近橫街有很多小店，景點大多步行所以成個旅程都好enjoy!!
💡去前準備：
1-Google翻譯下載西班牙文同加泰隆尼亞文，
2-預訂聖家堂門票（如上頂可選向海或另一面）及下載Apps同導賞。去到吾駛排長龍同買導遊票費用
3-留意熱門景點最好先預訂（如奎爾公園）同埋有些市場如Mercet de Ninot 周日一吾開，而且一些市場3 pm就關門，熱門店每周都有些日子休息，睇定吾駛摸門釘，吾似亞洲地區7日都開工架！
4-匯定少少歐羅，諗住可能用到（不過最終靠張信用卡同有外幣戶口既debit card攪掂）
5-充電寶同2腳電製必備啦！準備2個袋，一個放電子野，另一個透明袋裝液體化妝品，過關一袋，吾駛左摷右摷. 易丟失啊!
6-旅遊保險，廉航同UK火車都經常delay取消，有備無患。
7-電話卡，我用緊Lebara 包EU上網，不過預到機場時未必收到，有時去到酒店當晚至得，所以第一日行程都係先下載好啲。
交通：
航程2.5小時(回程只係2小時10分鐘）原本6點飛又延半個鐘頭，到達TerminalA已是9時半）巴塞隆拿快英國1小時），行5分鐘左右到Terminal C 搭A2巴士去市中心Catalana Plaza . 上車前拍visa卡，半小時多啲就到廣場，人頭湧湧，夜晚都好旺，聖誕燈飾已經開咗，好有節日氣氛。
到廣場先落Metro買套票，玩左一陣，單程票都要€2.4，就買左單人T-Casual 10張pass€11.9,可以用10次巴士或地鐵，zone1夠玩三日觀光點了。
留多啲時間就可以買T-usual pass, 30日內任坐市內巴士、地鐵等（機場巴士除外）。2023年12月31日前半價€20。機場鐵路旁售票機有售，購買時要輸入ID/護照號碼。
第一日
早餐歎杯咖啡個黑毛豬牛角包🥐，聖家堂，食熟成牛扒，午飯後去日落山睇城市全景，晚餐食Tapas好充實的一天。
聽講呢啲雕像是根據真人模特兒（高弟鄰居同事）扮然後雕塑，吾怪得咁逼真！
午餐試吓Restaurante Carnal食熟成牛扒，煑咗少少，連鐵板上，自己再煑少少食，又好味又好玩！
4人食2件500g熟成牛扒🥩€39*2 ,2支水,1隻燒春雞，叫支Heineken 啤酒，l個沙津，2個芝士餅，埋單£127.2，性價比唔錯👍
黃昏前上日落山睇日落，亦360度望城市景，成班後生仔女坐低左霸靚位吹水飲酒🍻，我哋就打下卡行下木橋
坐巴士，我插張T-Casual咭係架機度攪掂👍
點解吾睇埋日落？因為我怕行黑路，仲有就趕繁忙時間前去熱門Tapas餐廳🤣
呢餐冇得輸，食左13碟餸，2個甜品，1杯Sangria水果酒，3杯飲品都係€116.15 樣樣都好食不過细細碟，最貴係牛扒同埋三文魚鵝肝。蟶子OK不過吾大隻，個Chocolate 3texture甜品好味，😋
💡7點前到，後面排隊啦！
晚上仲行去睇費達羅之家亮燈
第二日 早餐繼續係el fornet 食，然後搭巴士去 ParkGuell奎爾公園 ，落嚟去波蓋利亞市場 Mercado de La Boqueria食海鮮飯+黑毛豬肉，跟著行埋附近local的細市場買黑毛豬肉，有啲店仲俾你試食，也可以買杯豬肉食，晚餐食熟成牛扒，然後去行下橫街窄巷感受下小店風情，竟然就見到懷舊相機同唱片鋪。
跟著坐巴士去Park Guell奎爾公園，但周六日很多人要一早買定票，行一個圈都要成個鐘，不過值得去因為真係好獨特既公園，好體會高弟創造心思。
行完公園太多人搭巴士，要行落山再坐士去市埸，本來打算去熱門Quinn 但周一關門，唯有試另一間Bar Central，多人但食物不算驚喜。
這個始終係大市場，都好多野賣，仲有即開生蠔同海膽，仲有海鮮tapas，我即場試吓，只能說應景，冇特別。
如果鍾意行街市，可以行30分鐘左右去到比較local 既Mercat de Santa Caterina 市場,乜嘢都便宜的，如生果杯平£1/杯，煙黑毛豬肉仲有得試食，不過留意3點半就差唔多關門。中經廣場仲有即興市場，隨時有驚喜，我就同檔主吹水然後買2條黑毛豬腸。
行完街市就坐巴士去米拉之家，聽講去屋頂睇日落好靚，不過要book,入場費要成2百幾港幣，我就係門口影下相算。
晚餐試另一間La Selva熟成牛扒連鎖店，朋友試過話好正，同Restaurante Carnal －樣鐵板上，仲有好多款desert 模型俾你飯後選擇。店內裝潢成個森林咁，所以置身其中都好悠閑！
今次2個人，－支水，沙津，熟成牛500g,加上甜品€56.9 牛扒熟咗啲，其他冇得彈。
食完消滯再坐巴士幾個站出廣場行吓街，經過間東方商場，行過一條橫巷好多小店，有哥哥爸爸至愛懷舊相機唱片，最後到廣場去Carrefour睇吓手信。
家樂福內黑毛豬肉片多種，分開颜色。亦有各種雪藏海鮮肉，居然見到急凍BB豬！
黑毛豬冷知識先：
💡正宗依利亞黑毛豬火腿 Jamon Iberiza？
必須有50%依利亞血統和來自法定產區。
💡有乜等級（睇標簽颜色）？
黑色-100%黑毛豬種，橡果餵飼和自由放牧
紅色- 50 －75 ％黑毛豬種，橡果餵飼和自由放牧
綠色-50 －75 ％黑毛豬種，牧草餵飼和圈養放牧
白色-50 －75 ％黑毛豬種，飼料餵飼和集中圈養💡
💡火腿部位
Maza後腿側近臀部，油脂分布，味溫和甘香，入口即溶感覺。
Punta最近臀部，油脂味濃。
Vanilla 大腿前肌肉，有嚼勁
💡餵飼方式
Belotta-主全橡果，也以天然食物香草餵飼，放養，最頂級
Recebo- 2 －3月橡果，也以天然食物及飼料，放養。
Cebo/Pienso- 全圈養，只吃飼料和穀物。
出嚟行街就整杯Gelato試吓
第三日，早上試另一間小店Hansel，吾錯，然後步行幾分鐘去local啲市橋食即點即煑海鮮，逛逛超市，再出市中心行下就要走啦
街市內整潔乾淨，有人食早餐，午後牛扒海鮮
都有得食，西班牙的菇同蔬果都豐富，下面有超市。
我哋試左朋友介紹呢間LaMedusa73 即點即煑海鮮，老板加泰隆尼亞人，可以自己選擇的郁緊嘅煑，我哋就點左2種蝦，醜樣的魚，青口，白洒加上蛋糕，埋單€69.75 吾錯啦！
另一間海鮮有活龍蝦，下次人多再試
下面超市有海鮮同西班牙海鮮燴飯，我想住AirB&B 玩煑飯仔都應該吾錯
見有時間就去市中心廣場再行下小店，嬉笑怒罵政客的公仔，大家都會心微笑。
總結旅程好愉快完全冇好似中歐英國旅遊咁驚貴，唔見扒手（可能淡季定好彩）沿途小店吃喝，天氣涼但比UK暖10度，西班牙文用翻譯又掂，藝術氣氛濃厚，下次可以再試其他城市同玩馬賽克Mosaic!
